एक लोकभाषा गीत -ई दीवाली रहै ..

चित्र -गूगल से साभार 

एक लोकभाषा गीत -देश में अब हमेशा अजोरिया रहै 

ई चनरमा रहै ,

ना अन्हरिया रहै |

देश में हमरे 

हर दिन अजोरिया रहै |

सबके घर से अँधेरा 

मिटावै के बा ,

सबके देहरी रंगोली 

सजावै के बा ,

धूप खुलि के हंसै

ना बदरिया रहै |

झील में फूल सुन्दर 

कँवल कै खिलै ,

सब ठठाके हंसै

जब केहू से मिलै

हर सुहागन क 

चुनरी लहरिया रहै |

वीर सीमा प देशवा 

क रक्षा करैं ,

गाँव कै लोग खेती से 

अन -धन भरैं ,

गुड़ खियावत अतिथि के 

ओसरिया रहै |

पर्व -उत्सव से नाता 

न टूटै कभी ,

हाथ पकड़ीं त 

फिर -फिर न छूटै कभी ,

ई दीवाली रहै 

ई झलरिया रहै |